Сборник. Святый княже Александре, моли Бога о нас!

   Хор: Го́споди, поми́луй. (Трижды.)
   Диакон: Еще́ молимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (если во обители: святы́я оби́тели сея́).
   Хор: Го́споди, поми́луй. (Трижды.)
   Диакон: Еще́ мо́лимся Тебе́, Го́споду Бо́гу на́шему, е́же услы́шатися гла́су моле́ния на́шего, и моли́тве, и поми́ловати рабо́в Твои́х (имярек) благода́тию и щедро́тами Твои́ми, и испо́лнити вся́ проше́ния их, и прости́ти им вся согреше́ния во́льная и нево́льная: благоприя́тным же бы́ти мольба́м и ми́лостыням их пред престо́лом влады́чествия Твоего́, и покры́ти их от враг ви́димых и неви́димых, от вся́кия напа́сти, беды́ и ско́рби, и неду́гов изба́вити, и пода́ти здра́вие с долгоде́нствием: рцем вси, Го́споди, услы́ши и поми́луй.
   Хор: Го́споди, поми́луй. (Трижды.)
   Священник: Услы́ши ны, Бо́же, Спаси́телю наш, упова́ние всех конце́в земли́, и су́щих в мо́ри дале́че: и ми́лостив, ми́лостив бу́ди, Влады́ко, о гресе́х на́ших, и поми́луй ны. Ми́лостив бо и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
   Хор: Ами́нь.
   Диакон: Ко свято́му благове́рному вели́кому кня́зю Алекса́ндру Не́вскому помо́лимся.
   Хор: Святы́й благове́рный вели́кий кня́же Алекса́ндре, моли́ Бо́га о нас.

Молитва

   Священник:
   Скорый помощниче всех, усердно к тебе прибегающих, и теплый наш пред Господем предстателю, святый благоверный, великий княже Александре!
   Призри милостивно на ны недостойныя, многими беззаконии непотребны себе сотворшия, к раце мощей твоих (или ко святей иконе твоей) ныне притекающия и из глубины сердца к тебе взывающия. Ты в житии твоем ревнитель и защитник Православныя веры был еси: и нас в ней теплыми твоими к Богу молитвами непоколебимы утверди. Ты великое возложенное на тя служение тщательно проходил еси: и нас твоею помощию пребывати коегождо, в неже призван есть, настави.
   Ты, победив полки супостатов, от пределов Российских отгнал еси: и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный на Небесех царствуеши: исходатайствуй и нам, смиренно молим тя, житие тихое и безмятежное, и к Вечному Царствию шествие неуклонное твоим предстательством устрой нам.
   Предстоя же со всеми святыми Престолу Божию, молися о всех православных христианех, да сохранит их Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно и во веки веков. Аминь.
   Хор: Ами́нь.
   Велича́ние (духовенство и хор): Велича́ем тя, / святы́й благове́рный вели́кий кня́же Алекса́ндре, / и чтим святу́ю па́мять твою́, / ты бо мо́лиши за нас / Христа́ Бо́га на́шего.
   Диакон: Прему́дрость.
   Священник: Пресвята́я Богоро́дице, спаси́ на́с.
   Хор: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
   Священник: Сла́ва Тебе́, Христе́ Бо́же, упова́ние на́ше, сла́ва Тебе́.
   Хор: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
   Го́споди, поми́луй. (Трижды.) Благослови́.
   Священник: Христо́с и́стинный Бог наш, моли́твами Пречи́стыя своея́ Ма́тере, преподо́бных и богоно́сных оте́ц на́ших, свята́го благове́рнаго вели́каго князя Алекса́ндра Не́вскаго и всех святы́х, поми́лует и спасе́т нас, я́ко благ и человеколю́бец.
   Хор: Ами́нь.

Тропари и кондаки святому благоверному князю Александру Невскому

 

Тропарь, глас 4-й: (23 ноября)

   Яко благочести́ваго ко́рене / пречестна́я о́трасль был еси́, блаже́нне Алекса́ндре: / яви́ бо тя Христо́с, / я́ко не́кое Боже́ственное сокро́вище Росси́йстей земли́, / но́ваго чудотво́рца, пресла́вна и Богоприя́тна. / И днесь соше́дшеся в па́мять твою́ ве́рою и любо́вию, / во псалме́х и пе́́ниих ра́дующеся, сла́вим Го́спода, / да́вшаго тебе́ благода́ть исцеле́ний, / Его́же моли́ спасти́ град сей, / и держа́ве Росси́йской Богоуго́дней бы́ти, / и сыново́м Росси́йским спасти́ся.

Кондак, глас 8-й: (23 ноября)

   Яко звезду́ тя пресве́тлу, почита́ем, / от восто́ка возсия́вшую и на за́пад прише́дшую:/ всю бо страну́ сию́ чудесы́ и добро́тою обогаща́еши / и просвеща́еши ве́рою чту́щия па́мять твою́, Алекса́ндре блаже́нне. / Сего́ ра́ди дне́сь пра́зднуем твое́ успе́ние, лю́дие твои́ су́щий: / моли́ спасти́ Оте́чество твое́ и вся притека́ющия к ра́це моще́й твои́х /и ве́рно вопию́щия ти: / ра́дуйся, гра́ду на́шему утвержде́ние.

Тропарь, глас 4-й: (30 августа)

   Позна́й свою́ бра́тию, росси́йский Ио́сифе, / не в Еги́пте, но на Небеси́ ца́рствующий, / благове́рный кня́же Алекса́ндре, / и приими́ моле́ния их, / умножа́я жи́та лю́дем плодоно́сием земли́ твоея́, / гра́ды Влады́чествия твоего́ огражда́я моле́нием / и правосла́вным Христиа́ном на сопроти́вныя спобо́рствуя.

Кондак, глас 4-й: (30 августа)

   Якоже сро́дницы твои́ Бори́с и Глеб / яви́шася теб́е с Небесе́ в по́мощь, / подвиза́ющемуся на Ве́лгера све́йскаго и во́ев его, / та́ко и ты ны́не, / блаже́нне Алекса́ндре, / прииди́ в по́мощь твои́м сро́дником / и побори́ борю́щия ны.

Сказание о жизни и подвигах святого благоверного Великого Князя Александра Невского

 

   Икона

Сказание о жизни и подвигах святого Александра Невского

   В руце Господни власть земли, – говорит Премудрый, – и потребнаго воздвигнет во время на ней (Сир. 10, 4).
   Имя Александра Невского – одно из самых славных в истории нашей страны. И не только славных, но что, пожалуй, еще значительнее, – одно из самых светлых и любимых русским народом. Героев наша история дала немало, но почти никого из них не вспоминают потомки с таким теплым чувством, как Александра. Он много потрудился для Русской земли и мечом и умом – вклад его в строительство Российского государства бесценен.