Владимир Иванович Аннушкин. История русской риторики. Хрестоматия

 
   ПРЕДИСЛОВИЕ
   Между инными греха казньми, к ним же чрез прародители наши обвинение привлекохом, и сим еще не последним, беднии землежители, казнимся, обаче ниже слезами омываем казнь, сиречь ясно, память имеем нетверду и удобопадну: едва что любо поемлется, и уже абие ис памяти испадает, аки во общей гостинице, иде же вход исходу ближайший. Тем же различно премудрии ищут памяти подкреплений, яко же видети возможно и в пятой части сея книжицы. Мне же паче прочих угодно возмнеся памяти способство, краткость вещи поятелныя, и сокращенное имущих глаголатися краткоречие, удобее бо сквозе ускую скважню входит мшица, нежели великий вельбуд. Того ради зде немощи памятной советую пространнейшую риторическую хитрость, аки единою рукою сообяти понужден семь. Вознепщевах убо в себе всю риторику быти яко некую руку крепчайшую, пять же тоя частей сиречь:
   изобретение
   расположение
   краснословие
   память
   произношение —
   быти аки пять перстов. Зде поедино то речется.
 
   РУКА РИТОРИЧЕСКАЯ,
   пятию частьми или пятию персты укрепленая. В шуице ея богатство и слава. Сочинена убо на латинском языце преосвященным Стефаном Яворским, митрополитом рязанскимь и муромскимь. Преведена же на словенский Феодором Поликарповым.
 
   В риторичестей руце вси персты имеют нечто особное:
   Перст великой может силою.
   Указателный – указует ведение и путь ко звездам.
   Средний – златому научает средству.
   Перстневый – перстнем обручает премудрость.
   Мизинец, или ушесник, ушеса отирает и отверзает ко слышанию.
 
   ПЕРВЫЙ
   ПЕРСТ РУКИ
   РИТОРИЧЕСКИЯ
   Изобретение есть вымысл аргументов и доводов, во еже довести предложение каково. Изобретение бывает сугубо:
   1) чрез места внутренняя; 2) чрез места внешняя. Мест внутренних суть 16: 1. Определение имене, еже есть слово изъявляюще существо вещи, яко рещи: риторика есть художество добре глаголати.
   2. Знаменование имене, еже есть слово, речения сказующее, яко рещи: иже есть царь, царствует; иже советник, совет подает.
   3. Исчисление частей, еже есть слово, все на своя части разделяющее, яко: той во истину богатырь есть, его же ум безбоязнен, тело крепко, лице огнем дышащее, рука храбрая и прочая.
   4. Сопряженная, яже от тогожде речения вся производима, различно пременяются, яко рещи: иже есть мудр, мудре глаголет, мудре жительствует, о мудрости веселится.
   5. Род, еже есть имя общее, под собою многа видом и числом разделенная, содержащее, яко: всяка добродетель любления достойна, убо и правда, и разум, и воздержание, и храбрость и прочая.
   6. Вид, или форма иже есть часть рода, под собою многа, единым числом разнствующая содержащей, яко: человек – Петра, Павла, Иоанна и прочая.
   7. Уподобление, им же некия вещи уподобляются в несвоем проповеданном оком, яко же: древо не от листвия, но от плодов; тако человек не от одежд, но от дел познавается.
   8. Различие есть вещей разных страсть различная, яко: скотом есть свойство пасти чрево, а человеком – разум.
   9. Противоположная яже купно со друг другом быти не могут, яко: аще добродетель подобает любити, убо от злобы бегати. Зде зрится четверообразно противоположение: противная, прекословная, возносительная, лишительная.
   10. Припрягательная изъявляются же сим стихом: 1) что, 2) кто, 3) где, 4) чим, 5) векую (почто), 6) како, 7) когда.
   11. Предидущая: купно идущая, последующая, яко: ему же надлежит родитися, остается умрети; юности, зле воспитанней, увы, колики злобы последуют. Разньствуют от припрягательных, яко не по нужде с вещию сопрягаются оная, сия же и паче, яко: возсияло солнце, убо день есть.
   12. Вина материалная, или вещественная, из нея же нечто бывает, яко: о бедное человеческое рождение, еже из брения земли созданным быти.
   13. Вина формалная, или образная, яже суть с вещию, о ней же глаголется и сопрягаются, яже дает бытность вещи и составляется в виде известном. Тако душа человека, наприклад: доволно имамы благородия, яко душу имеем божиим естества образ.
   14. Вина творителная, яже нечто творит, яко: витийство сломляет супостаты, возставляет падшия, оно управляет ум и перси умягчает.
   15. Вина окончателная, ея же ради что либо бывает, яко: ради чесо Бог созда человека? Ответ: Уста человеку даде и высокое небо зрети повеле и прямо ко звездам лице возносити. Знаменай, яко к сим четырем винам своя им надлежат окончения, или дела.
   16. Сравнения, яже бывают трояко: или сравняется подобное с подобным, или меншее с болшим, или болшее с меншим. Множицею бывают чрез частицу, аще разньствует от уподобления, зане тое бывает между вещми сущими тогожде рода. Яко же рещи: аще с толикими попеченми и труды храним тело, о колико безумие, аще не брежем души.
 
   Места внешняя 12:
   1. Учение.
   2. История, или повесть.
   3. Пословицы, или притчи.
   4. Адагиа, или приводы при повести.
   5. Символы, гадания и знаки.
   6. Эмвлимата, иероглифика.
   7. Свидетельства древних.
   8. Сентенции: разумно изреченная слова, или апоффегмата.
   9. Законы, или уложения.
   10. Священное писание.
   11. Уставы, или правила древних.
   12. Доброта остроты природныя.<… >
 
   ВТОРЫЙ
   ПЕРСТ РУКИ РИТОРИЧЕСКИЯ
   РАСПОЛОЖЕНИЕ
   Расположение есть художественное аргументов, или доводов, изобретенных по местам положение, еже может быти сугубо: менших и болших слов или поучений.<… >
 
   ТРЕТИЙ
   ПЕРСТ РУКИ РИТОРИЧЕСКИЯ
   ВИТИЙСТВО, ИЛИ КРАСНОСЛОВИЕ
   Витийство есть вещей изобретенных и расположенных красное и избранное возвещение.
   Сего свойства 3:
   1. Да будет равно, сиречь ясно и удобно к познанию.
   2. Да будет ключимо, сиречь прилично к вещем, к лицам и к месту.
   3. Да будет украшено, сиречь лепотою сложения, или сочинения, и красотою изобилующе.
   Тем же ко украшению слова принадлежат 5 нужных:
   1. Периоды (обтечения, или обходы).
   2. Тропосы (образы красноречия).
   3. Фигуры (начертания, или отмены).
   4. Аффекты (залози, или страсти, или движения).
   5. Приличное прохождение от ипофесиса к фесису: еже есть от частнаго некоего предложения к повсемственному или общему.
 
   Параграф первый о периодах
   Период есть слово, разум совершен имущее, и имать две части: комму, или сечение, или запятую; колон, или член, или точку.
   Комма есть часть слова кратчайшая, разум от части издающая; глаголется кратчайшая, понеже может сходити даже до десяти.
   Колон, или член, есть часть слова, разум некий издающая: восход имать до два десяти слогов, а сход до десяти слогов. Тем же колон от коммы разнствует единым токмо числом слогов.<… >
 
   Параграф второй о тропосех или образех
   Тропос есть глагола или слова от свойственнаго знаменования в чуждее с силою премена. Тропосов числом 11: во едином слове – 7; во многих речах – 4.
   Первый во едином речении тропос – метафора (преношение), и есть егда речь преносится от места, иде же свойствен есть, ко иному месту, иде же не есть свойствен, и бывает четверогуб:
   1. От животнаго к животному, яко рещи: мои мене облизывают ти, сиречь мои домашнии мене оглаголуют.
   2. От бездушнаго к бездушному, наприклад: согласие мечей сладостно есть победителем. Паки: железных ядер град есть семя победы.
   3. От одушевленнаго к бездушному, наприклад: время, всеядец вещей, вся поядает. Рдится меч в ножны сокрытый.
   4. От бездушнаго ко одушевленному, наприклад: блистает еще росиский воин в кависсанских неприятеля персех, ниже тупеет сила, юже марсова осла изострила.
   Вторый во едином речении тропос или образ – синекдохи, сиречь сообятие. Синекдохи есть познание единаго из другаго и бывает осмию образы.<… >
 
   Параграф третий о фигурах
   Фигура (образ) есть украшение некое слова, отделенноя от общия и простонародныя беседы художества. Или фигура есть не простонародный глаголания образ, красоту слова приносящий. Разньствует от тропоса, понеже тропос бывати обыче в речах пренебесных (пренесенных)^[7], а фигура быти может еще в речах свойственных.
   Фигуры ины суть словес, яже слово украшают, и ины суть сентенции, яже вещем и смыслом красоту приносят.
   Разделение первоео фигурах словес. Фигуры словес суть 22: приложения – 9; отвлечения – 5; уподобления – 8.
   Фигуры приложения:
   1. Репетицио, или повторение: егда от тойжде речи часто начинается слово, наприклад: напасть мужа искушает, напасть то есть человеку, еже огнь злату, напасть в нашедших язвах укрепляет, напасть безсмертность раждает.
   2. Коверко^[8] (или обращение): егда на туюжде речь часто кончится слово, яко: света ли умов и смыслов хощете слышати – онаго раждает премудрость, лютую ли неразумия тму в ненависти хощеши имети – оную прогоняет премудрость, славы или имене безсмертнаго природным рачительством желаете – сих родителница есть премудрость.
   3. Комплексно (или сплетение) еже обе предидушыя фигуры сплетает, яко рещи: Что человека небу и земли не полезна творит? пиянство. Что омрачает ум, расслабляет сердце, тело болезньми отягчает? пиянство. Что на всякую скверну врата отверзает, ко всем злобам узду ослабляет? пиянство.
   4. Кондупликацио (или усугубление): егда тожде речение или в начале или в средине усугубляется, яко: воздохните, человецы, аще кий вам смысл есть? воздохните, смотрите ваше окаянство, и прочая.
   5. Традукцио (проведение) еже есть тогожде речения часто положеннаго пременения, яко: еда^[9] онаго непщуете человека, иже человеческих скорбей обнажен, едва имене человеческаго достоин.
   6….^[10] (многопадежное) еже есть падежей пременение, еже тоеж‑де во многих падежах полагается, яко: исполнены суть вся книги, исполнены мудрых гласы, наполнена прикладов древность, яко едина добродетель славу имеет.
   7. Синонимия (соименство): егда речи тожде знаменающия совокупляются, такожде и разум, яко же рещи: лежат пораженых царств трупы, погашена суть стран светила, стенят бо своими кострами загребеныя грады – едина премудрость стоит вознесена, едина падати не знает, едина к небесем верх возвышает и тако ратует, от онуду же вся падают, тамо стоит, иде же всяческая лежат опровержена.
   8. Полисиндентон (многосвязное) есть егда слово союзами обилно, в начале полагаемыми, яко рещи: и богатьство, и слава, и венцы, и что‑либо наконец имеет мир зрения достойно – все сие к премудрости, яко сень к солнцу есть.
   9. Градации (лествица) есть повторение реченых прежде, неже ко иному снидет, яко рещи: доброе юности воспитание – и нрав в доброту, доброта нравов – честное жития; слово сие целость жития, целость, наконец, славу уготовляет бессмертную.<… >
 
   ЧЕТВЕРТЫЙ
   ПЕРСТ РУКИ РИТОРИЧЕСКИЯ
   ПАМЯТЬ
   Память елико ко имени есть сокровище разумений, сию елико имать обиднее толико богатее во глаголании.
   Память двояка есть: естественная бывает от самого творца естества от Бога преблагаго превеликаго и от состояния здраваго главы; художественная бывает разнообразно:
   1. Частым обучением по оному, память обучением, яко же прочая вся украшает.
   2. Учащися на память всякую иную мысль.
   3. Чрез части (сиречь по частицам) да учится.
   4. На листах чтомаго признаки некия, или число, или азбучная писмена да пишет.
   5. К памяти взыскуется здравость и ясность, яже притяжается сном умеренным, такожде растворенным пищи и пития употреблением, еще застужения и запаления главнаго опасатися подобает.
   6. К памяти ключимствует тихость ума, ибо, яко же в воде мутней недобре представляется вид от некия противности препосланаго, тако в памяти, яже есть приятелище видов.
   7. Аффекты (страсти) слову да подлагаются, наипаче: ярость, желание и любовь увеселителных, да хранится на последок целость совести и тело.
 
   ПЯТЫЙ
   И ПОСЛЕДНИЙ ПЕРСТ РУКИ РИТОРИЧЕСКИЯ
   ПРОИЗНОШЕНИЕ
   Произношение есть вещей и речей по достоинству гласа и тела движение. В произношении подобает смотрити глас и действо.
   Елико ко гласу. Перво глас в произношении подобает быти различен по разности дела и вещи глаголемыя. Тако в ярости глас подобает быти яр, в печали уныл и густ, во страсе униженный, добрый, унылый, в силе зельный, в сладости разлиянный, гладкий, светлый, веселый, свободный и прочая. Противный недостаток есть:
   1. Частое отдохновение, котораго велми тщателно опасатися подобает.
   2. Глас в произношении да не будет пением.
   3. Да не будет выше силы.
   4. Дабы частыми одышками или кашлем и не растлевался.
   5. Дабы в ноздри не изглашался.
   6. Дабы по стремнинам не шатался.
   7. Дабы не вельми косно.
   8. Дабы не зело кричливо.
   9. Дабы последния слогини произносилися.
   Елика к действу: действо в произношении есть приудержание движений тела по истязанию вещества.
   1. Действа подобает быти с движением главы, яко же есть естествене положеная.
   2. Да изменяется лице по различию слова, и да будет лице овогда ласково, овогда печално, овогда весело и прочая. От онуду же ритор что‑либо глаголет, тое да разумеет, иначе не увещает слышателя, разве ко убежанию.
   3. Очеса тожде да глаголют, еже язык.
   4. Мышци подобие овогда да возвышаются.
   5. Руце место да показуют, наприклад: небо – в высоту, землю – вниз, и дело да изъясняет, яко прещения, прошения и проч., яко же материя или вещь востребует.
   И сия есть рука риторическая, пятию частьми аки пятию персты укрепленная.

Вопросы и задания

   1. Прочитайте внимательно «Посвящение» к «Руке риторической». Почему Стефан Яворский дает противоположные оценки России? В чем «величие» и «сиротство сея страны»?
   2. Как в Предисловии описана память! Насколько точны, на ваш взгляд, сравнения и эпитеты, которые дает ей С. Яворский?
   3. Почему сочинение С. Яворского названо «Риторическая рука»? Насколько объяснение каждого «перста» соответствует частям риторики (см. начало учебника)?
   4. Что такое изобретение (по учению С. Яворского)? Назовите общие места в учении об изобретении С. Яворского. Попробуйте по образцу создать подобные краткие примеры.
   5. Какие требования к украшению речи предъявляет С. Яворский? Какова классификация фигур речи? Встречаются ли эти фигуры в известных вам текстах?
   6. Какие виды памяти выделяет С. Яворский? Какие советы он дает к тренировке памяти?
   7. На какие недостатки в произношении указывает С. Яворский? Какие рекомендации выводятся из перечисленных недостатков?
   8. Каковы требования С. Яворского к телодвижению оратора?

Козма Афоноиверский
Книга всекрасного златословия (1710)

   Козма Афоноиверский (XVII – начало XVIII в.) – иеродиакон, переводчик, грек по происхождению, выходец с Афона, из Иверского монастыря. Обстоятельства его появления в Москве в 90-е г. XVII в. неизвестны. В Москве он трудился в Чудовом монастыре, центре греческой образованности, где в это время подвизались братья Лихуды, инок Евфимий. Известно, что Козма перевел с русского на новогреческий «Киево-Печерский Патерик» и нек. др., с греческого на русский «Слово аввы Исаака», «Риторику» Софрония Лихуда (в 1698 г.).
   В 1710 г. Козма написал собственную «Риторику», в предисловии к которой сообщил, что он «монаходиакон Афоноиверский» в Чудовом монастыре. Ссылка на вышедший на греческом языке в 1681 г. «Златослов» Франческо Скуфоса, которому Козма якобы во всем «следует», является в некотором смысле традиционной ссылкой на авторитет. «Риторика» Козмы вполне самостоятельна и поражает широким знанием российской истории и культуры, вдохновенным восхвалением в примерах великих князей, царей, русских святых, воинов, описанием реалий русской жизни (ср. похвалу граду Москве).
   В настоящее время известны 19 списков «Риторики» Козмы 1710 г. В отдельных списках сочинение названо «Книга всекрасного златословия». Учебник содержит 4 кратких предисловия и разделен на 3 книги: в 1-й описаны цели и сущность риторики, общие места; во 2-й – части речи; в 3-й говорится о сказании и благовещении, которые «зрятся в красносладкоглаголании и хитроплетении периодов и в медоточном вещании языка»; в 4-й – о «схиматах» (фигурах речи); к последней приписаны «две части художества риторскаго» – «о мниме или памяти» и «профоре» («изглашение словес и гласа риторова испущение»).
   Настоящий текст публикуется по списку РГБ, ф. В. М. Ундольского, № 879. Для публикации отобраны отрывки из предисловий, начальные главы с определениями риторики, несколько статей с описанием общих мест и примерами – «парадигмами».

Пречистой приснодеве Марии – аггельски радуйся!

   В руку твоею святою, о Пречистая Дево, книга сия лежит, не яко ты сия требуеши, понеже пучина еси всех благ, но яко твоих тебе леть приносити, зане сама сущи источник милости, естественнориторствовала еси сию, и во многия и многия места прекрасным именем овенчала еси. Тем же и помощию твоею во сто плодотворити.
   Кто бо когда риторствовати возможе, яко же ты, всемилостивая госпоже моя? Кто тако может умолити неземнаго, но небеснаго гигантопобедника судию? Яко ты пучина всея мудрости, ты бо и риторствующи побеждаеши и умолчающи пречюдно умоляеши. Ты милости сущи силы вся можеши, и молитва, не вся хощеши, елика можеши, разрешаеши язык, во еже глаголати, и абие вяжеши руки страшнаго судии, во еже не воврещи грешнаго в тартар. Отверзаеши уста во еже умолити, и абие судии заграждаются уста, во еже не противоглаголати тебе, матери своей сладчайшей. Но что реку или что напишу: славу ли твою, но и аггельский ум не достизает; честь ли твою, но и шестикрилатии серафими долетати не могут; силу ли твою, но самосилия сущи милости вышши еси всея силы.
   Аще когда Григорий богословствоваше, ты им дала еси помощь. Тем же не земная, но яко небесная глаголаху. Аще хрисос‑томы поучиша, ты им собеседовала еси – тем же не их, но твое риторствование. Аще дамаскины медоточиша, ты, славно с небес сшедши, со возлюбленными ученики твоего сыны не пчелы, но углие меда в книжном видении во уста их вложила еси. Тем же, елико глаголаша речи, толики спасоша человеки, и елика начерташа писмена, толики прияша похвалы, победы на враги взяша, елики на земли часы пожиша, еретики толики прободоша, елижды трость в руце си прияша. Оставлю ныне глаголати, яко толика чюдеса их, елики от них написаны книги, и яко толикими устами тыя мир хвалит, елики в книгах их написаны строки. Имена же их толики гремяще языки величают, елико песок при мори и звезды на небе.
   Но горе малоумию, горе гугнивогласию и сухоте языка моего, вкупе и пера моего бессилию! Малая глаголах, вящьшая же умолчах, малейшая написах, и величайшая оставих, и, вкратце рещи, подножия изрек, всего венец проглотих. Си есть более всех, но увы мне: како напишу, како изреку, трепещет ми рука, изсыхает язык, сие токмо риторственно изрекла еси: буди – и абие Бога на землю свела, невместимаго вместила, бесплотнаго воплотила, нерожденнаго родила и пеленами обвила, и во яслех положила еси. Отсюду аггелы по земли шествуют и человеци на небо в(з)летают, земля бо небо бывает и небо землею является, слепые прозирают, хромии врачюются, грешнии очищаются, пророци свобожаются и, просто рещи, Бог человек и человек Бог бывает.
   О предивныя (чюд) риторики! О всемогущаго ритора! О неизреченныя силы Твоея, Богородителнице, и неизглаголаннаго Твоего риторствования крепости! Тебе убо, о мудрая Госпоже моя, приношу сию книгу в знамение малейшее велия моего к Тебе благоволения и любовию к Тебе кипящия моея души познание. Приими, приими сию, молю, о Пречистая Дево, и абие златопарному и вернуслужителю Твоего сладкаго Сына, архистратигу яве вручи Михаилу, да скоро скоро облетев, во вся славнороския отнесет грады. Молит о сем Твое благоутробие собственный всем россом заступник во светлех изряднейший Алексий Чюдов (?). И сие за нево обители сих зовомый Чюдов, аз грешный, странствуя и на тех молитвы надеяся, пучину книги сея начах плыти. Мне же в воздаяние малых трудов сих умоли, Госпоже, Судию праведнаго, яко да в день судный должайшую веригу разрешит грехов моих, небеснаго царствия своего мя сподобит. О сем, паки и паки пад на помост, поклон Ти творю должно.
   Честных Твоих ног одушевленое подножие пучиногрешный Козма и монаходиакон Афоноиверский.

* * *

   Трудолюбезнейшему читателю о Господе радоватися.
   Понеже, любимый мой читателю, повеление имамы от владыки нашего Иисуса Христа данный мне талант, аще мал, аще велик, не скрыти, но паче и паче умножити, судив, потщахся и аз тоежде повеление исполнити, си есть: понеже сподобихся малаго некоего еллиногреческаго учения и славенскому языку отчасти навыкнути, должно ми возмнех быти славенороссийский благополучный род трудами своими, яко же и прежний моего рода, елика сила, ползовати. И сего ради, надеяся на непоборимую помощь матере мудрости Пречистыя Девы, на предстательство же бесплотнаго архистратига Михаила и теплыя молитвы чудотворнаго митрополита Алексиа, яко во обители их живопитаем, начат писати полезнейшую сию книгу риторику художеством таковым, яко никогда же до сего дне зде, в царствующем граде Москве, подобие изобразися, и, елика ми мощь, потщахся краснейшими ж и сладчайшими беседовати реченьми, да тако медоточну не токмо мудрорачителие, но и всякаго чина полнота отверстыми приимут ю дланми. Последую ж во всем изданию медоточнаго учителя философии и священныя богословии благоговейнейшаго и православнейшаго иереа фрагкийскаго, критскаго не яко гробокопатель, по великому Василию, того чюднаго мужа медоструйное издание свойствуя, но, яко ухо ему приклонив, подражая того медоточность и по стопам его ходя и, в его сочинение яко в чистое зерцало прилежно зря, свое писую издание. Аще же когда того напишю кую либо парадигму, никако питаю, но паче чюдным его именем яко венцем ю овенчаю, и сие того во славу и похвалу присноцветущую.