Страница:
12) Часословов - три в Толстовской библиотеке (276, 419, 561 [297]).
13) Следованных Псалтирей - две в Толстовской библиотеке (213, 405 [297]).
14) Шестодневов служебных - два в Воскресенском монастыре (276, 277 [235]) и один в библиотеке Московского исторического общества (130 [401]).
15) Паремейников - один в Новгородской Софийской библиотеке (304 [312]), два в Толстовской (353, 432 [297]) и два в Румянцевском музеуме (425 [246]).
16) Параклитов - три в Синодальной Московской библиотеке (217 [375]).
17) Канонников - три в Новгородской Софийской (286, 287 [312]), один в библиотеке Царского (156 [404]), два в Кирилле-Б елозерском монастыре (14,18 [241]).
18) Стихирарей - один в Новгородской Софийской вместе с Канонником (287 [312]), один в Румянцевском музеуме (650 [246]).
19) Ирмологов- один в Московской Синодальной (183 [375]).
20) Обиходов церковных - два в Новгородской Софийской (299, 301 [312]), один в Румянцевском музеуме (406 [246]).
21) Чинов елеосвящения - три в Новгородской Софийской (320 [312]) и проч.
26
РАЗРЕШИТЕЛЬНАЯ МОЛИТВА МИТРОПОЛИТА КИПРИАНА И СТИХИРА НА УСПЕНИЕ БОГОМАТЕРИ МИТРОПОЛИТА ГРИГОРИЯ САМВЛАКА
1. "Молитва разрешити царя. и князя, и всякого христианина, творение господина Киприана. митрополита Киевского и всея Руси, а списано в Лутце над гробом княжим Димитриевым
Владыко, Боже Отче, Вседержителю, створивый человека по образоу своему и по подобию, и всеми дарованми своими оукрасив, и безсмертием почет, престоуплеша же Твою заповедь праведьным соудом осоудил еси, рая изгнанием и еже яко земля еси и в землю пакы поидеши. Но, яко естьством сый человеколюбив, не стерпе зрети во оузах и затворех мрачных моучимо создание Свое, послав единороднаго Сына Своего, одевающася нашею нищетою, плотию от чистых кровий Пресвятыя и Пречистыя Девица Мариа, и страсть вольноую претерпети благоволил еси, и смерть приати, и Крестом снитти в ад, и тамо тлею держимыя славно и победоносно въздвигноути, и разрешити, и вечномоу царствию сподобити. Но яко проведый ползкое наше еже к грехоу и яко всегда наложить человекоу помышление на лоукавая от юностти его, не восхоте свое создание. Господи Иисусе Христе Боже нашь, адомь и моуками одержима быти, но заповедми своими святыми Еуангельи даровав рек: Иже аще створить я, жив боудеть на земли. Еще же и святым своим апостоломь и ученикомь власть дал еси и их приемником, яко да егоже аще свяжоуть на земли, боудеть связан на небесех, и егоже аще разрешать на земли, боудеть разрешен и на небеси. Сего ради и аз, грешный, недостойный раб Твой, на щедроты Твоя и безмерное Ти человеколюбие надеяся, молбы и моления принося о еже в блаженой памяти преставлешемоуся рабоу Твоему верному (имярек) яко да отпоустиши емоу, яко благ и милосерд, всякое прегрешение, водное и неволнее, еже словомь, или деломь, или помысломь, или очнымь възрениемь, или коим ли начинаниемь, имже теломь грех действуется, душю же оскверняеть, или что от закона твоего преоступи, и волю плотскоую здела, и сласть исполни, или кого приобиде, или яростию подвигся, не оправдова кого, или аще во лжоу или в клятвопреступление впад,- ей. Господи Человеколюбче, отпоусти, остави, ослаби, разреши душу раба Твоего (имярек) от оуз смертных, оучини дух его в месте светле, в месте злачне, в месте прохладно, в месте покоя тишины, идеже глас праздноующих веселить вся от века святыя Твоя, яко Ты еси воскресение, живот и покой, иже блаженой памяти преставльшемоуся благоверному рабу Твоемоу (имярек) Христе Боже нашь, и Тебе славоу всылаемь с безначалным Ти Отцемь, всесвятымь и благымь и Животворящимь Ти Духомь, ныне и присно и в веки векомь, аминь" (из сборн. XV в. Кирилле-Белоезерского монастыря; см.: Учен. записки II Отд. Ак. наук. 5. Отд. 3. 49 [243]).
2. "Месяца августа в 15 день. на Успение Пресв. Богородицы. поем сей стих на целование, творение кир Григория Российского Цамблака...
Днесь Владычица и Богородица, Пресвятая Дево Царица преходит от земных к премирным, ко Царю царьствующему, к Сыну Своему и Богу, сопричаститися царствию вечному, паче же превечному и конца не имущему, не на колеснице рабски, якоже Илья, но матерьски Царица царски, на Сыновних руках со множествы вой херувимьских. И тогда лучший апостолом предпосылаеми, по облаком предпоставляеми пресветлыми ангелы пречистому твоему и богоприятному телу, преукрашенней церкви Царя небеснаго (глас 1), в нейже непостижимый и неприкосновенный написуется плоть, и от сосцу животочному доится. Бог убо сый, сподоби за милосердие совершенно вообразитися Ею во человечество и подати ему Божества достояние. И предсташа весь лик богословец, не дванадесятех, но и седмьдесятех, исходныя песни пояху, честь воздающе апостольскаго сословия, глаголюще: "Что Тебе речем? Киими миры проводим Тя, Мироприемнице небесная? Кое кадило принесем Ти, златая кадильнице? Недоумеемся, яко одр великаго Царя, на мале одре мертволепно без дыхания лежит" (5). Приим же Петрово воспевание, Павел, сосуд избранный, весь изступль, весь восхищен, весь обожаемь "о чюдеси! глаголав,- како затворишася девственнии очи, от самех пелен ангелы зрети навыкоша? Како питательница жизни смертию объята бысть? Како и не сохранися безсмертна, якоже нетленна по Рожестве сохранена бысть? Како небесная лестница, по нейже сниде Бог ко человеком, затворитися грядет? Како гора превысокая и великая Божия на мале одре лежит, в нейже вселися до конца Господь? Како жезл присноцветущий ныне увянув зрится? (2). О преславнаго зрения! О непостижимаго таинства! О глубина богатства, и Премудрости, и разума Божия, яко не испытаны судьбы Его и не наследованы пути Его! Кто разуме ум Господень или кто советник Ему бысть? (6). Почто отлете от нас, от Своих раб, голубице неблазненная? Почто удалися от нас горлица сладкогласная? На кого возрим прочее? Кто нам провещает? Кто же от навет иудейских печаль нашу утешит? На Тя бо зряще, Онаго зрети мнехом, Иже неизреченно из Тебе возсиявшаго. Взнесеся ко Спасу, и мы надежду нашу вси на Тя имехом, и сладце терпехом и труды, и гонения о проповеди истинней (3); ныне же последнее сиротьство объят нас. Како внезапу угасе светильньче свету? Но смотрение, еже на Тебе бываемое, а не одоление смертное; ниже возмогла бы, яже единою Твоим Сыном умертвившися смерти, Тебе животу привязатися; но да не вменится привидение вочеловечения истина подобь и безсмертному Твоему плоду естества долг отдаеши" (7). И вся, к чести ключима, исходному времени песни пояху Приснодевей Божий Матери, Ияков, великий Божий брат, со Иванном, сыном громовем, и инии богословеснии мужии, достойнии предстояний пречистаго Ти телесе, мрежею евангельскою и Павлим языком уловлени, Дионисие, и Ерофеи, и Тимофее, глаголюще: "Пойди, Владычице, пойди, яко землю освятила еси Рожеством Своим, тако и воздух освятиши пришествием Си. Пойди, Всецарице, пойди и сцарьствуй с Сыном Своим и Богом нашим (4). Да отверзутся Тебе врата небесныя со мнозем удивлением, яко Евва убо врата Едему затвори, Ты же и небесная врата отверзе. Ниже убо достойно есть двери непроходимей, еюже Господь един вниде и изыде, затворенну остави, на земли стояти; но взятой быти ко уготовленному Тоя чертогу. Да подымут Тя, Дево, херувими, да прославять Тя силы, да предтекут Ти престоли, зряще Тя престол неописаннаго и безтруднаго естества. Пойди, Невесто неневестная, в невестник небесный!" Сия богословяху и иная многая чюднии они мужи, якоже никтоже может по достоинству изрещи, ко гробу провождающе жизни Матерь (8). Мы же что к Ней речем? Како род наш почетшую почтем? Како воспоем многопетую Деву? Како возвеличим, Юже вси роди величают, якоже прорече? Но возопием с Гавриилом: "Радуйся, древе жизни, радуйся, горо присенная, радуйся, мосте преводяй всех, иже верою Твое преставление чтущая, к вечному". Подобает бо Ти, Матери Божий, яко Царице, царскими добротами дороноситися,- преходиши бо к небесней стране, небесная Невесто, и паки жива представляешися к Божественней светлости, яко от чертога населения Твоего, от земли взимаешися и совозводиши с Собою множество ходатайством Си. Предпосылают Ти ся апостоли со ангельскими воинствы, и девствении лици тайно окрест одра Девы Богородицы предстоят, и душа праведных, пролетевши, Царицу славят, и молятся ови невещественно пение добродетелей принесете. Царица небесная и многопетая Владычице! Сродна присвоения не забуди, и не оскудей назирающи, и не забуди царя, и град, и люди, иноцы и простии. Мы бо люди Твои и овца пажити Твоея, имя Твое призываем и верно празднуем всесвятое Твое Успение" (Ундольск. Замечай, для истории цер. пения в России в Чтен. Моск. истор. общ. 1846. № 3. Отд. 1. 4-6 [412]).
27
РАЗНОСТИ В ЧИНЕ ПРОСКОМИДИИ ПО СЛУЖЕБНИКАМ XIV-XV ВВ.
1. На одной просфоре. В Служебнике Воскресенского монастыря, писанном в 1380 г. [21], проскомидия излагается так: "Въмет поп просфору и прекрестить крестообразно, глаголя: "Споминание творим Бога Спаса нашего Иисуса Христа, иже на Тайней Его Вечери". И положит проскору на дорнем блюде, а не на дискосе, начнет резати, глаголя се: "Яко овча на заколение веден бысть", таж 2-ю страну, глаголе: "Яко агнець прямо стрегущему безъгласен", а се, 3-ю страну режа, глаголеть: "Тако не отверзаете уст Своих с смирении Своем", а се 4-ю: "Суд Его взятся, а род Его кто исповесть". Тож, обрезая около дор[а], вынимая Агнець издроб[лен], глаголет: "Яко вземлеться от земля живот Его". Дьякон: "Аминь". Таж подреж Агнец крестообраз[не], глаголя: "Закалаеться и жреться Агнеиь БОЖИЙ, вземляй грехи всего мира, аминь [трижды]". Полагает на дискосе, глаголя: "Полагается Агнець Божий, Сын, Слово Божие, вземляй грехи всего". Се емля, влив прав[ою] рук[ою] воду, в левю и възвиг горе, глаголет: "Соединение Св. Духа, един от воин копием ребра Его прободе, абие изиде Кровь и вода, и видев и сведетельствова, яко истиньно есть сведительство Его, всегда и ныне". Показает персты на потир на Агнец: "Яко трие суть сведи[те]льствующе: Дух, Кровь, вода, и трие в един суть, аминь [трижды]". Посем възмет дьякон кадельницу, поп молитву: "Кадило приносим..." и проч. Более ни о вынутии частиц из просфоры, ни о других просфорах ничего нет (Амфилох. Описан. рукоп. Воскресенск. монастыря - в Изв. II Отд. Акад. наук. 7. 264-266 [235]).
2. На трех и на четырех просфорах. В Служебнике XIV в., хранящемся в Румянцевском музеуме (№ 399 [199]), после наставления о вынутии Агнца читаем непосредственно: "А се проскурумисая: "В честь и в славу (им[я]р[е]к) и всех святых, ихже молитвами"; а се за умерших: "Помяни, Господи, душу усопшаго раба Своего (имярек) на месте светле, в стране покойне, идеже просвещается свет лица Твоего, Господи"; а се покрывая Святые Дары". В другом Служебнике Рум. муз. XIV в. (№ 398) также читаем: "А се просфуру вынимает: "Приими, Господи Иисусе Христе Боже наш, приношенье се в честь и в славу святей Госпожи Владыцици нашей Богородици и Приснодевеи Марии, Еяже молитвами. Господи, спаси душа наша"; також и святому; також и о сдравии: "Приими, Господи Иисусе Христе, приношенье се в честь и в славу за раба Своего (имярек) о сдравьи, и о спасении, и отпущеньи"; а се за упокой: "Приими, Господи, приношенье се в честь и в славу за раба Своего усопъшаго (имярек) о отпущеньи грехов вольных и невольных, и покой душу его в месте светле, идеже присещает свет лица Твоего",- и по скончаньи просфурмисанья покадит".
3. На пяти или на шести. В Служебнике Московской Синодальной библиотеки № 952, который, по преданию, принадлежал преподобному Сергию Радонежскому [67], в чине проскомидии после описания действия над агничною и богородичною просфорами о прочих просфорах говорится следующим образом: "На третьей же просфоуре глаголет: "Честьнаго и славнаго пророка Предтеча и Крестителя Иоана", и пр. Таже, приемь иноую просфоуроу (следственно, четвертую), глаголет: "О всем епископьстве православных", и прочее. Таже, приим паки просфоуроу (опять ту же), глаголет сице: "О здравьи и о спасеньи благочестивых царей и благочестивом и христолюбивом князи нашем (имярек)" и пр. И паки, приемь ину просфуроу (то есть пятую), глаголеть сице: "О памяти и оставлении грехов..." и прочее. В другом Служебнике той же библиотеки, № 601, писанном и подписанном собственною рукою митрополита Киприана, порядок просфор в проскомидии, после двух первых, описан следующими словами: "На третий же просфуре глаголет: "Честнаго и славнаго пророка Предтеча и Крестителя Иоанна" и прочее. Таж, приемь иную просфуру, глаголет: "О всем епископьстве" и пр. Таж, прием пак просфуру, глаголет сице: "О здравии и спасении благочестивых царей" и пр. И паки, прием просфуру, глаголет сице: "О памяти и оставлении грехов..." и прочее.
4. В Служебнике Воскресенского монастыря 1380 г. [21] положены пред проскомидиею две молитвы; в Служебнике того же монастыря XIV в. [22] - три. В этом последнем Служебнике в чине проскомидии, между прочим, сказано: "И вымають проскуры наперед поп и дьакон, после наложить ножь на проскуру". И далее: "Аще будет Господскый праздник, да не вымают проскуры за упокой, разве за нового умершаго". (Амфилох. Описан, в Изв. II Отд. Акад. наук. 7. 265, 270, 271 [235]). В Служебнике той же библиотеки XV в. в чине проскомидии замечено: "Диакон же, приемь и ту ж просфуру, и святое копие, глаголеть и о себе, еже иерей, ихже хощеть живых, и на другой просфуре усопших такожде, и полагает от долнея страны святаго хлеба, якоже иерей" (там же. 8. 190-191 [235]). Самые чины проскомидии и одни и те же молитвы в разных Служебниках можно видеть, для сравнения, в том же Описании рукописей Воскресенского монастыря (там же. 7. 265-271; 8.189-197 [235]).
28
ПОСЛАНИЕ МИТРОПОЛИТА ФОТИЯ В ПСКОВ ОБ АГНЦАХ И ПРОЧЕЕ
"Послание Фотея митрополита о Агнеиех святых
Благословение Фотея, митрополита Киевского и всея Руси, в Псков собору Святыя Троици и всему священническому чину. Что ми, сынове, пишите к нашому смирению от недоведомых Божественных тайн и о прочих вещех, и о сем благодарю ваше священство. Идеже понеже убо еже вразумевасте великое Божье священство, идеже бо священник священно съвершаеть, и тамо ангели желают приникнут. И что ми пишете, сынове, прьвое въспрос имеа о Божественных и о святых Агнецех: по обычному благословению от настаателя приходить ерей купно со диаконом пред святаго жертвеника, и дискос убо поставляет от левыа страны. Святую же Чашю от десныа страны, яко же по чину их, по обычаю и прочаа. И творять по три поклоны пред святою проскомидиею, глаголюще в собе: "И искупил ны есть нас от клятвы законныа честною Си Кровию. Таже поп рече: "Благословен Бог нашь, всегда и ныне и присно", и приемлет в десную руку святое копье, в левую же руку проскуру, и знаменаеть копьем трижды, глаголя над проскурою с копьем: "В споминание Господа и Бога и Спаса нашего Иисуса Христа". И абье вънзет копье от левыя страны проскуры и прорезает от себе кверху по левой стране глаголя: "Яко овчя, на заколение веден"; на десной же стране глаголеть: "Яко агнец, прямо стригущему его безгласен, тако не отверзает уст Своих"; на горней же стране глаголеть: "В смирении Его суд Его взятся"; на дольней же стране глаголеть: "В смирении Его суд Его взятся"; на исподней стране глаголеть: "Род же Его кто исповесть"; выимая же глаголеть: "Яко вземлеться от земля живот Его". И полагаете его во знак во святом дискосе, и прорезает его священник крестообразно, глаголя: "Жрется Агнець Божьи, вземляй грехы всего мира, за мирскый живот и спасение". И превращаеть его ниць, аще несть тепл, яко же преже рехом, и не прободает же его, но приемлет другую просфиру и не глаголеть: "Благословен Бог наш". "Во въспоминание Господа и Бога и Спаса нашего Иисуса Христа",трижды глаголеть сие над Агнецом и с копьем крестообразно, яко же преже указахам; таж режа глаголеть:
"Яко овчя, на заколение ведеся", и прочая такоже по обычаю, а не прободаеть его и сего, но токмо пререзуеть и сего глаголя: "Жрется и закалается". И тако приемлеть и третьюю просфиру и творит на ней, яко же и на первой; "благословен же Бог наш" - не глаголеть, но токмо обычная, елико будуть надобно Агнецов, и творить сие и на прочих. Последи сложив Агнеци на три части по два, аще суть шесть, и прикладываеть святое копие одно ко всем Агнецам, от десныя страны глаголя: "Един от воин копьем прободена". Таж дьякон, приемь благословение от иереа, вливает вино и воду во Святую Чашю, и посемь бываете проскомисание и конець его, яко же писано по обычаю, и литургиа по обычаю Златоустаго или великого Василья. Егда свершится служба вся до: "Вонмем, святая святым", и тогда един Агнець разламляеть на четыре части и едину влагает во Святую Чашю, и три части на святом дискосе, от нихже долняя часть святого Агнеця, той причащаемся. И преже убо святого причащения напаяет святые Агнеци Святою Кровью от Святыа Чаши на всех четырех углех святого Агньца коегождо и влогает их в уготованное им место, а и тии доры, от нихже выиманы святы Агнеци, опроче блюдомы суть или в том же сосуде, но пределя промежи святых Агнецев имущи. А еже инии творят сице, напаяя святыя Агнеци, и пологають в тыя же доры, от нихже выиманы суть святыа Агнеци, и се убо неподобно есть отьинудь, и нечестивых бо се есть; но особ пребывати должни суть.
О пеньи священником и мирянином
Еже ми писасте, како попу пети во своем дому пред святыми иконами: аще восхощеть все по церковному правилу пети, то не возбраняется ему; аще ли одино начало творити рекши: "Благословен Бог нашь" - и отпуск токмо, и се на его произволении есть, но небещенней сия вся во славу Богу творить со вниманием. А мирскым людям, православно живущим, подобно и сим правило церковное держати пред святыми иконами во своих домех, понеже и должни суть творити сиа. Аще производят, на вечернице великую вечере или малую и паки, воставши от ложа, полунощниц и заутреняа, со Псалтырою и со прочим последованием, должни суть творити, аще произволять; а священническаго ничтоже не творить, ни начало: "Благословен Бог нашь", вместо начала глаголеть сице: "Молитвами святых отець наших, Господи Иисусе Христе Сыне Божий, помилуй нас, аминь"; а вместо отпуста глаголеть сице: "Молитвами Пречистыа Ти Матери и всех святых, Господе Иисусе Христе Сыне Божий, помилуй нас, аминь".
A cue о аллилуйи
Что ми пишете о "аллилуйи" и на "славах" сице глаголи: "Слава Отцю и Сыну и Святому Духу, и ныне и присно, в веки веком, аминь. Аллилуиа, аллилуиа, аллилуиа, слава Тобе, Боже. Аллилуиа, аллилуиа, аллилуиа, слава Тобе, Боже. Аллилуиа, аллилуиа, аллилуиа, слава Тобе, Боже. Слава Отцю, и ныне и присно". А "Бог Господь" поють на утрении пятью, яко же предано святыми отци, понеже три стиха суть. Преже убо поеть певець среди церкви, зря ко востоку, еклисиарх или на то устроеный мних, и поеть: "Бог Господь явися нам"; и 1-й лик в той же глас: "Бог Господь явися нам, благословен грядый"; и певець стих 1-й: "Исповедайтеся Господеви"; и другой лик 2-е: "Бог Господь явися нам"; и певець 2-й стих: "Не умру, но жив буду, исповем дела Господня"; и лик 1-й в третье: "Бог Господь явися нам"; и певець третий стих: "И есть дивна во очию нашею"; и 2-й лик 4-е: "Бог Господь явися"; и 1-й лик опять: "Бог Господь"; и по сему чину и "аллилуиа" в посты на глас Охтоику пятью со стихи их, а на молебене, яко же произволять по обычаю их.
Правило о священниках и мирянах
А попу, держа другого попа в покаянии у себе, самому у него неподобно каятися; аще ли у своего отца духовного восхощеть Тело и Кровь Господню приимати, причаститися, то невъзбранно. Котории люди бес покаянна живуть, а отца духовного не дръжать, аще и ко церкви приходять или не приходить,- не приимать от них приношениа к церкви; а своим детем духовным възбраняйте с таковыми ясти и пяти, ни во своа домы призывати, ниже к ним ходити, понеже и сами сии отлучишася стада Христова словесных овец. И, елика сила, таковых приводити к покаянию и от злых приимати с радостью, а не гордяся, да не погибнеть во своем нечестьи.
О понагии
А что ми пишете о вечерни и понагии: аще созвани бывше со благочестьем в дом некоего христолюбца, на тряпезе 5 по вечерянии молвити Богородици, яко же устав держит. На тряпезе преже обеда святый хлебець Богородици святыя выняти и по вечерянии, певше обычная, святыя Богородици хлебець въздвизати по обычаю, яко же указася во устав; и священники сами от него ядять, и прочим дають, аще ли плотью чисты.
О крестах
Да еже на кресте имени не будеть, тому не поклонитися, а не поругатися ему, ниже разоряти таковых. А крест имуть новый делати, велик или мал, яко же художник и мастерь на се устроенный, чим таковое устроити действо, или снастью некоею, или гвоздья, ко довлению на утвержение есть: сие не поругание есть кресту, но утвержениа ради поведено есть мужем окажен. А мирскым людям во своих домех, православно живущим по закону Господню, а не присовокупився к жене своей, достоит кадить святыа иконы и самым, аще ли не будеть священника ту; и не токмо самем мужем, но и женам благочестивым и чистым от мужа кадити повелеваю, и детей своих тому же учите, аще и велми малы суть, понеже православных сия обычая суть.
О церквах
А церкви ветшаныа и кровли их, аще не суть довални ни на чтоже, ни на кою потребу к тойже церкви, а не ко иному устроению потребни, таковое повелеваю огнем сожещи и попел их всыпати в текущюю воду, да не сквернится святое небрежения ради или скота. А кресты, иконы ветшаныа оставити тако пребывати, но в честне месте и в устроени. А не своих детей не венчай; ни проводы пета, аще некая великая нужа случиться.
О святых великых трех святитель: Василий, Григории, Иоана Златоустаго
А что мя вопрошаете о трех святых великых трех святитель и равных апостолом, Великаго глаголю Василия и Иоана Златоустаго, Григория Богослова: о сих убо известно и разумно навыкох, таковое правило положено бысть сими Божествеными писаньми и святыми отци и законноположися празновати месяца генваря в 30 день, еже и вся вселенная сдержит, идеже есть православное христьянство, сим единокупно празник сотворяюще торжествен стихарями, и чтении, и всенощными славословьи. Понеже бо, яко больший суть святителем, яко вселенней сущая светила нелестная, небоявленныа звезды и апостолом единоравнии, яко Иоан блаженый, святитель Евхатский, движим Святым Духом, пиша о них и украшая похвалами праздньство их, и во едином от своих писании рече сице, яко аще и дерзостно есть глаголемое се: "Аще,- рече,- не быша велиции сии три святителя были, достоаше быти второму апостольскому пришествию на землю". И смотри мужа художству во едином месяци обретаеть и сих всех триех в том, и пологает сим праздник в 30-е месяца. Темже и аз, ревнуя сих преданию истинному, и вам повелеваю и молю вашю любов: не обленитеся сии праздник всяческы совершати и украшати, торжествеными похвалами же и всенощными славословьи, и помощи от них требовати, понеже суть ходатаи ко Богу. Святого же Иполита в 30-е месяца сего служба есть, поется на павечерници преже сего дни или когда разсудить еклисиарх по предатае к Богу.
По премногу же бых писал о всем к вашой любви, понеже устав много сдержите: ныне сие случися тако, вмале сие написах вам. А дана грамота на Москве месяца августа в 12 день, индикта 12, в лето 6927 (т.е. 1419)" (из сборник. Румянц. муз. № 358. Л. 380-385 [194]; Восток. Опис. 508 [246]).
29
БЛАГОСЛОВЕНИЕ И УКАЗ НОВГОРОДСКОГО ВЛАДЫКИ ИОАННА (ПОСЛЕ 1410 Г.) О ПРОСКОМИСАНИИ СВЯТЫМ МУЧЕНИКАМ ГУРИЮ, САМОНУ И АВИВУ
1. "Благословение архиепископа Новгороцкаго Иоанна к Христианом святыа Софи
Буди вам ведомо: слышю зде, што у вас о великой и о малой гибели ходять к кресту; ино то деете не по Божию закону. Зде нам дал Бог знамение святых исповедник - Гурья, и Самона, и Авива дьякона: ино Божиею милостию мнози правии прави бывают, а виноватая в казни. И мы к вам послали икону святых исповедник в церковь Божию; а што ходите к кресту, ино то в вас отнимаем; но ходите к знамению Божиих святых исповедник. Поп служит святую литургию, и пишет имя Божие на хлебци, и дасть всем приходящим ко имени Божию; а хто изъясть хлебець со именем Божиим, тот прав бывает; а хто не снесть хлебца, тот по Божию суду виноват будеть; а хто не пойдет к хлебцу, тот без Божиа суда и без мирьскаго виноват будеть. И о вам о нашой гибели и о вашой писано, што нами ся корыстують, а ся грамота дана вам впрок. А кто сее грамоты не послушает, без суда виноват будет и кажнен. А вы, попове, опроче хлеба Божиа, к роте не пущайте, а нашего слова не ослушайтесь, а аз вас, попов и всех христиан, благословляю".
2. "Указ о проскурьнисании святым тремь исповедником - Гурию, Самону и Авиву
Егда у кого что будет украдено или на кого ти будеть непоть, вы же, священницы, проскуру велите испечи крестаобрязну, и укажите, и вообразите на ней четыре кресты. А священници, входяще в церковь, глаголите молитву святым исповедником; а дроугое - вшедше в церковь пред иконою святых исповедник, а третье - и на проскумидии глаголите, выймая просфиру, молитву сию: "Молите, святии Божий исповедници, Гурие, Самоне и Авиве диаконе; яко же есть милосердием Божиим възвратили девицю в град свой Едес, тако и ныне святии трии исповедници - Гурие, Самоне, Авиво, и Авидане, и Аврааме, и Афений, чюдо свое сътворите к вам с верою приходящим, гибелником помозите, виноватых обличите, гортани шкодником затворите. Исаче, свяжи их; Иакове, и пути их загради, и на вси стороны темны сотвори, да будут пути их ползкы, и ангел Господень погоняя их". Таже: "Господи помилуй" (12), и потом, выймаа проскуру, первый крест выймай, глаголи: "Се имя Божие пишется на хлебци молитвами святых Божиих исповедник в честь и славу святому Гурью", а вторый крест выймая, глаголи: "В честь и славу святому Самону", а третий крест выймая, глаголи: "В честь и славу святому Авиву диякону", а четвертый крест выймаа, глаголи, поминая тых по имени, которым ясти, виноватым на обличение".
13) Следованных Псалтирей - две в Толстовской библиотеке (213, 405 [297]).
14) Шестодневов служебных - два в Воскресенском монастыре (276, 277 [235]) и один в библиотеке Московского исторического общества (130 [401]).
15) Паремейников - один в Новгородской Софийской библиотеке (304 [312]), два в Толстовской (353, 432 [297]) и два в Румянцевском музеуме (425 [246]).
16) Параклитов - три в Синодальной Московской библиотеке (217 [375]).
17) Канонников - три в Новгородской Софийской (286, 287 [312]), один в библиотеке Царского (156 [404]), два в Кирилле-Б елозерском монастыре (14,18 [241]).
18) Стихирарей - один в Новгородской Софийской вместе с Канонником (287 [312]), один в Румянцевском музеуме (650 [246]).
19) Ирмологов- один в Московской Синодальной (183 [375]).
20) Обиходов церковных - два в Новгородской Софийской (299, 301 [312]), один в Румянцевском музеуме (406 [246]).
21) Чинов елеосвящения - три в Новгородской Софийской (320 [312]) и проч.
26
РАЗРЕШИТЕЛЬНАЯ МОЛИТВА МИТРОПОЛИТА КИПРИАНА И СТИХИРА НА УСПЕНИЕ БОГОМАТЕРИ МИТРОПОЛИТА ГРИГОРИЯ САМВЛАКА
1. "Молитва разрешити царя. и князя, и всякого христианина, творение господина Киприана. митрополита Киевского и всея Руси, а списано в Лутце над гробом княжим Димитриевым
Владыко, Боже Отче, Вседержителю, створивый человека по образоу своему и по подобию, и всеми дарованми своими оукрасив, и безсмертием почет, престоуплеша же Твою заповедь праведьным соудом осоудил еси, рая изгнанием и еже яко земля еси и в землю пакы поидеши. Но, яко естьством сый человеколюбив, не стерпе зрети во оузах и затворех мрачных моучимо создание Свое, послав единороднаго Сына Своего, одевающася нашею нищетою, плотию от чистых кровий Пресвятыя и Пречистыя Девица Мариа, и страсть вольноую претерпети благоволил еси, и смерть приати, и Крестом снитти в ад, и тамо тлею держимыя славно и победоносно въздвигноути, и разрешити, и вечномоу царствию сподобити. Но яко проведый ползкое наше еже к грехоу и яко всегда наложить человекоу помышление на лоукавая от юностти его, не восхоте свое создание. Господи Иисусе Христе Боже нашь, адомь и моуками одержима быти, но заповедми своими святыми Еуангельи даровав рек: Иже аще створить я, жив боудеть на земли. Еще же и святым своим апостоломь и ученикомь власть дал еси и их приемником, яко да егоже аще свяжоуть на земли, боудеть связан на небесех, и егоже аще разрешать на земли, боудеть разрешен и на небеси. Сего ради и аз, грешный, недостойный раб Твой, на щедроты Твоя и безмерное Ти человеколюбие надеяся, молбы и моления принося о еже в блаженой памяти преставлешемоуся рабоу Твоему верному (имярек) яко да отпоустиши емоу, яко благ и милосерд, всякое прегрешение, водное и неволнее, еже словомь, или деломь, или помысломь, или очнымь възрениемь, или коим ли начинаниемь, имже теломь грех действуется, душю же оскверняеть, или что от закона твоего преоступи, и волю плотскоую здела, и сласть исполни, или кого приобиде, или яростию подвигся, не оправдова кого, или аще во лжоу или в клятвопреступление впад,- ей. Господи Человеколюбче, отпоусти, остави, ослаби, разреши душу раба Твоего (имярек) от оуз смертных, оучини дух его в месте светле, в месте злачне, в месте прохладно, в месте покоя тишины, идеже глас праздноующих веселить вся от века святыя Твоя, яко Ты еси воскресение, живот и покой, иже блаженой памяти преставльшемоуся благоверному рабу Твоемоу (имярек) Христе Боже нашь, и Тебе славоу всылаемь с безначалным Ти Отцемь, всесвятымь и благымь и Животворящимь Ти Духомь, ныне и присно и в веки векомь, аминь" (из сборн. XV в. Кирилле-Белоезерского монастыря; см.: Учен. записки II Отд. Ак. наук. 5. Отд. 3. 49 [243]).
2. "Месяца августа в 15 день. на Успение Пресв. Богородицы. поем сей стих на целование, творение кир Григория Российского Цамблака...
Днесь Владычица и Богородица, Пресвятая Дево Царица преходит от земных к премирным, ко Царю царьствующему, к Сыну Своему и Богу, сопричаститися царствию вечному, паче же превечному и конца не имущему, не на колеснице рабски, якоже Илья, но матерьски Царица царски, на Сыновних руках со множествы вой херувимьских. И тогда лучший апостолом предпосылаеми, по облаком предпоставляеми пресветлыми ангелы пречистому твоему и богоприятному телу, преукрашенней церкви Царя небеснаго (глас 1), в нейже непостижимый и неприкосновенный написуется плоть, и от сосцу животочному доится. Бог убо сый, сподоби за милосердие совершенно вообразитися Ею во человечество и подати ему Божества достояние. И предсташа весь лик богословец, не дванадесятех, но и седмьдесятех, исходныя песни пояху, честь воздающе апостольскаго сословия, глаголюще: "Что Тебе речем? Киими миры проводим Тя, Мироприемнице небесная? Кое кадило принесем Ти, златая кадильнице? Недоумеемся, яко одр великаго Царя, на мале одре мертволепно без дыхания лежит" (5). Приим же Петрово воспевание, Павел, сосуд избранный, весь изступль, весь восхищен, весь обожаемь "о чюдеси! глаголав,- како затворишася девственнии очи, от самех пелен ангелы зрети навыкоша? Како питательница жизни смертию объята бысть? Како и не сохранися безсмертна, якоже нетленна по Рожестве сохранена бысть? Како небесная лестница, по нейже сниде Бог ко человеком, затворитися грядет? Како гора превысокая и великая Божия на мале одре лежит, в нейже вселися до конца Господь? Како жезл присноцветущий ныне увянув зрится? (2). О преславнаго зрения! О непостижимаго таинства! О глубина богатства, и Премудрости, и разума Божия, яко не испытаны судьбы Его и не наследованы пути Его! Кто разуме ум Господень или кто советник Ему бысть? (6). Почто отлете от нас, от Своих раб, голубице неблазненная? Почто удалися от нас горлица сладкогласная? На кого возрим прочее? Кто нам провещает? Кто же от навет иудейских печаль нашу утешит? На Тя бо зряще, Онаго зрети мнехом, Иже неизреченно из Тебе возсиявшаго. Взнесеся ко Спасу, и мы надежду нашу вси на Тя имехом, и сладце терпехом и труды, и гонения о проповеди истинней (3); ныне же последнее сиротьство объят нас. Како внезапу угасе светильньче свету? Но смотрение, еже на Тебе бываемое, а не одоление смертное; ниже возмогла бы, яже единою Твоим Сыном умертвившися смерти, Тебе животу привязатися; но да не вменится привидение вочеловечения истина подобь и безсмертному Твоему плоду естества долг отдаеши" (7). И вся, к чести ключима, исходному времени песни пояху Приснодевей Божий Матери, Ияков, великий Божий брат, со Иванном, сыном громовем, и инии богословеснии мужии, достойнии предстояний пречистаго Ти телесе, мрежею евангельскою и Павлим языком уловлени, Дионисие, и Ерофеи, и Тимофее, глаголюще: "Пойди, Владычице, пойди, яко землю освятила еси Рожеством Своим, тако и воздух освятиши пришествием Си. Пойди, Всецарице, пойди и сцарьствуй с Сыном Своим и Богом нашим (4). Да отверзутся Тебе врата небесныя со мнозем удивлением, яко Евва убо врата Едему затвори, Ты же и небесная врата отверзе. Ниже убо достойно есть двери непроходимей, еюже Господь един вниде и изыде, затворенну остави, на земли стояти; но взятой быти ко уготовленному Тоя чертогу. Да подымут Тя, Дево, херувими, да прославять Тя силы, да предтекут Ти престоли, зряще Тя престол неописаннаго и безтруднаго естества. Пойди, Невесто неневестная, в невестник небесный!" Сия богословяху и иная многая чюднии они мужи, якоже никтоже может по достоинству изрещи, ко гробу провождающе жизни Матерь (8). Мы же что к Ней речем? Како род наш почетшую почтем? Како воспоем многопетую Деву? Како возвеличим, Юже вси роди величают, якоже прорече? Но возопием с Гавриилом: "Радуйся, древе жизни, радуйся, горо присенная, радуйся, мосте преводяй всех, иже верою Твое преставление чтущая, к вечному". Подобает бо Ти, Матери Божий, яко Царице, царскими добротами дороноситися,- преходиши бо к небесней стране, небесная Невесто, и паки жива представляешися к Божественней светлости, яко от чертога населения Твоего, от земли взимаешися и совозводиши с Собою множество ходатайством Си. Предпосылают Ти ся апостоли со ангельскими воинствы, и девствении лици тайно окрест одра Девы Богородицы предстоят, и душа праведных, пролетевши, Царицу славят, и молятся ови невещественно пение добродетелей принесете. Царица небесная и многопетая Владычице! Сродна присвоения не забуди, и не оскудей назирающи, и не забуди царя, и град, и люди, иноцы и простии. Мы бо люди Твои и овца пажити Твоея, имя Твое призываем и верно празднуем всесвятое Твое Успение" (Ундольск. Замечай, для истории цер. пения в России в Чтен. Моск. истор. общ. 1846. № 3. Отд. 1. 4-6 [412]).
27
РАЗНОСТИ В ЧИНЕ ПРОСКОМИДИИ ПО СЛУЖЕБНИКАМ XIV-XV ВВ.
1. На одной просфоре. В Служебнике Воскресенского монастыря, писанном в 1380 г. [21], проскомидия излагается так: "Въмет поп просфору и прекрестить крестообразно, глаголя: "Споминание творим Бога Спаса нашего Иисуса Христа, иже на Тайней Его Вечери". И положит проскору на дорнем блюде, а не на дискосе, начнет резати, глаголя се: "Яко овча на заколение веден бысть", таж 2-ю страну, глаголе: "Яко агнець прямо стрегущему безъгласен", а се, 3-ю страну режа, глаголеть: "Тако не отверзаете уст Своих с смирении Своем", а се 4-ю: "Суд Его взятся, а род Его кто исповесть". Тож, обрезая около дор[а], вынимая Агнець издроб[лен], глаголет: "Яко вземлеться от земля живот Его". Дьякон: "Аминь". Таж подреж Агнец крестообраз[не], глаголя: "Закалаеться и жреться Агнеиь БОЖИЙ, вземляй грехи всего мира, аминь [трижды]". Полагает на дискосе, глаголя: "Полагается Агнець Божий, Сын, Слово Божие, вземляй грехи всего". Се емля, влив прав[ою] рук[ою] воду, в левю и възвиг горе, глаголет: "Соединение Св. Духа, един от воин копием ребра Его прободе, абие изиде Кровь и вода, и видев и сведетельствова, яко истиньно есть сведительство Его, всегда и ныне". Показает персты на потир на Агнец: "Яко трие суть сведи[те]льствующе: Дух, Кровь, вода, и трие в един суть, аминь [трижды]". Посем възмет дьякон кадельницу, поп молитву: "Кадило приносим..." и проч. Более ни о вынутии частиц из просфоры, ни о других просфорах ничего нет (Амфилох. Описан. рукоп. Воскресенск. монастыря - в Изв. II Отд. Акад. наук. 7. 264-266 [235]).
2. На трех и на четырех просфорах. В Служебнике XIV в., хранящемся в Румянцевском музеуме (№ 399 [199]), после наставления о вынутии Агнца читаем непосредственно: "А се проскурумисая: "В честь и в славу (им[я]р[е]к) и всех святых, ихже молитвами"; а се за умерших: "Помяни, Господи, душу усопшаго раба Своего (имярек) на месте светле, в стране покойне, идеже просвещается свет лица Твоего, Господи"; а се покрывая Святые Дары". В другом Служебнике Рум. муз. XIV в. (№ 398) также читаем: "А се просфуру вынимает: "Приими, Господи Иисусе Христе Боже наш, приношенье се в честь и в славу святей Госпожи Владыцици нашей Богородици и Приснодевеи Марии, Еяже молитвами. Господи, спаси душа наша"; також и святому; також и о сдравии: "Приими, Господи Иисусе Христе, приношенье се в честь и в славу за раба Своего (имярек) о сдравьи, и о спасении, и отпущеньи"; а се за упокой: "Приими, Господи, приношенье се в честь и в славу за раба Своего усопъшаго (имярек) о отпущеньи грехов вольных и невольных, и покой душу его в месте светле, идеже присещает свет лица Твоего",- и по скончаньи просфурмисанья покадит".
3. На пяти или на шести. В Служебнике Московской Синодальной библиотеки № 952, который, по преданию, принадлежал преподобному Сергию Радонежскому [67], в чине проскомидии после описания действия над агничною и богородичною просфорами о прочих просфорах говорится следующим образом: "На третьей же просфоуре глаголет: "Честьнаго и славнаго пророка Предтеча и Крестителя Иоана", и пр. Таже, приемь иноую просфоуроу (следственно, четвертую), глаголет: "О всем епископьстве православных", и прочее. Таже, приим паки просфоуроу (опять ту же), глаголет сице: "О здравьи и о спасеньи благочестивых царей и благочестивом и христолюбивом князи нашем (имярек)" и пр. И паки, приемь ину просфуроу (то есть пятую), глаголеть сице: "О памяти и оставлении грехов..." и прочее. В другом Служебнике той же библиотеки, № 601, писанном и подписанном собственною рукою митрополита Киприана, порядок просфор в проскомидии, после двух первых, описан следующими словами: "На третий же просфуре глаголет: "Честнаго и славнаго пророка Предтеча и Крестителя Иоанна" и прочее. Таж, приемь иную просфуру, глаголет: "О всем епископьстве" и пр. Таж, прием пак просфуру, глаголет сице: "О здравии и спасении благочестивых царей" и пр. И паки, прием просфуру, глаголет сице: "О памяти и оставлении грехов..." и прочее.
4. В Служебнике Воскресенского монастыря 1380 г. [21] положены пред проскомидиею две молитвы; в Служебнике того же монастыря XIV в. [22] - три. В этом последнем Служебнике в чине проскомидии, между прочим, сказано: "И вымають проскуры наперед поп и дьакон, после наложить ножь на проскуру". И далее: "Аще будет Господскый праздник, да не вымают проскуры за упокой, разве за нового умершаго". (Амфилох. Описан, в Изв. II Отд. Акад. наук. 7. 265, 270, 271 [235]). В Служебнике той же библиотеки XV в. в чине проскомидии замечено: "Диакон же, приемь и ту ж просфуру, и святое копие, глаголеть и о себе, еже иерей, ихже хощеть живых, и на другой просфуре усопших такожде, и полагает от долнея страны святаго хлеба, якоже иерей" (там же. 8. 190-191 [235]). Самые чины проскомидии и одни и те же молитвы в разных Служебниках можно видеть, для сравнения, в том же Описании рукописей Воскресенского монастыря (там же. 7. 265-271; 8.189-197 [235]).
28
ПОСЛАНИЕ МИТРОПОЛИТА ФОТИЯ В ПСКОВ ОБ АГНЦАХ И ПРОЧЕЕ
"Послание Фотея митрополита о Агнеиех святых
Благословение Фотея, митрополита Киевского и всея Руси, в Псков собору Святыя Троици и всему священническому чину. Что ми, сынове, пишите к нашому смирению от недоведомых Божественных тайн и о прочих вещех, и о сем благодарю ваше священство. Идеже понеже убо еже вразумевасте великое Божье священство, идеже бо священник священно съвершаеть, и тамо ангели желают приникнут. И что ми пишете, сынове, прьвое въспрос имеа о Божественных и о святых Агнецех: по обычному благословению от настаателя приходить ерей купно со диаконом пред святаго жертвеника, и дискос убо поставляет от левыа страны. Святую же Чашю от десныа страны, яко же по чину их, по обычаю и прочаа. И творять по три поклоны пред святою проскомидиею, глаголюще в собе: "И искупил ны есть нас от клятвы законныа честною Си Кровию. Таже поп рече: "Благословен Бог нашь, всегда и ныне и присно", и приемлет в десную руку святое копье, в левую же руку проскуру, и знаменаеть копьем трижды, глаголя над проскурою с копьем: "В споминание Господа и Бога и Спаса нашего Иисуса Христа". И абье вънзет копье от левыя страны проскуры и прорезает от себе кверху по левой стране глаголя: "Яко овчя, на заколение веден"; на десной же стране глаголеть: "Яко агнец, прямо стригущему его безгласен, тако не отверзает уст Своих"; на горней же стране глаголеть: "В смирении Его суд Его взятся"; на дольней же стране глаголеть: "В смирении Его суд Его взятся"; на исподней стране глаголеть: "Род же Его кто исповесть"; выимая же глаголеть: "Яко вземлеться от земля живот Его". И полагаете его во знак во святом дискосе, и прорезает его священник крестообразно, глаголя: "Жрется Агнець Божьи, вземляй грехы всего мира, за мирскый живот и спасение". И превращаеть его ниць, аще несть тепл, яко же преже рехом, и не прободает же его, но приемлет другую просфиру и не глаголеть: "Благословен Бог наш". "Во въспоминание Господа и Бога и Спаса нашего Иисуса Христа",трижды глаголеть сие над Агнецом и с копьем крестообразно, яко же преже указахам; таж режа глаголеть:
"Яко овчя, на заколение ведеся", и прочая такоже по обычаю, а не прободаеть его и сего, но токмо пререзуеть и сего глаголя: "Жрется и закалается". И тако приемлеть и третьюю просфиру и творит на ней, яко же и на первой; "благословен же Бог наш" - не глаголеть, но токмо обычная, елико будуть надобно Агнецов, и творить сие и на прочих. Последи сложив Агнеци на три части по два, аще суть шесть, и прикладываеть святое копие одно ко всем Агнецам, от десныя страны глаголя: "Един от воин копьем прободена". Таж дьякон, приемь благословение от иереа, вливает вино и воду во Святую Чашю, и посемь бываете проскомисание и конець его, яко же писано по обычаю, и литургиа по обычаю Златоустаго или великого Василья. Егда свершится служба вся до: "Вонмем, святая святым", и тогда един Агнець разламляеть на четыре части и едину влагает во Святую Чашю, и три части на святом дискосе, от нихже долняя часть святого Агнеця, той причащаемся. И преже убо святого причащения напаяет святые Агнеци Святою Кровью от Святыа Чаши на всех четырех углех святого Агньца коегождо и влогает их в уготованное им место, а и тии доры, от нихже выиманы святы Агнеци, опроче блюдомы суть или в том же сосуде, но пределя промежи святых Агнецев имущи. А еже инии творят сице, напаяя святыя Агнеци, и пологають в тыя же доры, от нихже выиманы суть святыа Агнеци, и се убо неподобно есть отьинудь, и нечестивых бо се есть; но особ пребывати должни суть.
О пеньи священником и мирянином
Еже ми писасте, како попу пети во своем дому пред святыми иконами: аще восхощеть все по церковному правилу пети, то не возбраняется ему; аще ли одино начало творити рекши: "Благословен Бог нашь" - и отпуск токмо, и се на его произволении есть, но небещенней сия вся во славу Богу творить со вниманием. А мирскым людям, православно живущим, подобно и сим правило церковное держати пред святыми иконами во своих домех, понеже и должни суть творити сиа. Аще производят, на вечернице великую вечере или малую и паки, воставши от ложа, полунощниц и заутреняа, со Псалтырою и со прочим последованием, должни суть творити, аще произволять; а священническаго ничтоже не творить, ни начало: "Благословен Бог нашь", вместо начала глаголеть сице: "Молитвами святых отець наших, Господи Иисусе Христе Сыне Божий, помилуй нас, аминь"; а вместо отпуста глаголеть сице: "Молитвами Пречистыа Ти Матери и всех святых, Господе Иисусе Христе Сыне Божий, помилуй нас, аминь".
A cue о аллилуйи
Что ми пишете о "аллилуйи" и на "славах" сице глаголи: "Слава Отцю и Сыну и Святому Духу, и ныне и присно, в веки веком, аминь. Аллилуиа, аллилуиа, аллилуиа, слава Тобе, Боже. Аллилуиа, аллилуиа, аллилуиа, слава Тобе, Боже. Аллилуиа, аллилуиа, аллилуиа, слава Тобе, Боже. Слава Отцю, и ныне и присно". А "Бог Господь" поють на утрении пятью, яко же предано святыми отци, понеже три стиха суть. Преже убо поеть певець среди церкви, зря ко востоку, еклисиарх или на то устроеный мних, и поеть: "Бог Господь явися нам"; и 1-й лик в той же глас: "Бог Господь явися нам, благословен грядый"; и певець стих 1-й: "Исповедайтеся Господеви"; и другой лик 2-е: "Бог Господь явися нам"; и певець 2-й стих: "Не умру, но жив буду, исповем дела Господня"; и лик 1-й в третье: "Бог Господь явися нам"; и певець третий стих: "И есть дивна во очию нашею"; и 2-й лик 4-е: "Бог Господь явися"; и 1-й лик опять: "Бог Господь"; и по сему чину и "аллилуиа" в посты на глас Охтоику пятью со стихи их, а на молебене, яко же произволять по обычаю их.
Правило о священниках и мирянах
А попу, держа другого попа в покаянии у себе, самому у него неподобно каятися; аще ли у своего отца духовного восхощеть Тело и Кровь Господню приимати, причаститися, то невъзбранно. Котории люди бес покаянна живуть, а отца духовного не дръжать, аще и ко церкви приходять или не приходить,- не приимать от них приношениа к церкви; а своим детем духовным възбраняйте с таковыми ясти и пяти, ни во своа домы призывати, ниже к ним ходити, понеже и сами сии отлучишася стада Христова словесных овец. И, елика сила, таковых приводити к покаянию и от злых приимати с радостью, а не гордяся, да не погибнеть во своем нечестьи.
О понагии
А что ми пишете о вечерни и понагии: аще созвани бывше со благочестьем в дом некоего христолюбца, на тряпезе 5 по вечерянии молвити Богородици, яко же устав держит. На тряпезе преже обеда святый хлебець Богородици святыя выняти и по вечерянии, певше обычная, святыя Богородици хлебець въздвизати по обычаю, яко же указася во устав; и священники сами от него ядять, и прочим дають, аще ли плотью чисты.
О крестах
Да еже на кресте имени не будеть, тому не поклонитися, а не поругатися ему, ниже разоряти таковых. А крест имуть новый делати, велик или мал, яко же художник и мастерь на се устроенный, чим таковое устроити действо, или снастью некоею, или гвоздья, ко довлению на утвержение есть: сие не поругание есть кресту, но утвержениа ради поведено есть мужем окажен. А мирскым людям во своих домех, православно живущим по закону Господню, а не присовокупився к жене своей, достоит кадить святыа иконы и самым, аще ли не будеть священника ту; и не токмо самем мужем, но и женам благочестивым и чистым от мужа кадити повелеваю, и детей своих тому же учите, аще и велми малы суть, понеже православных сия обычая суть.
О церквах
А церкви ветшаныа и кровли их, аще не суть довални ни на чтоже, ни на кою потребу к тойже церкви, а не ко иному устроению потребни, таковое повелеваю огнем сожещи и попел их всыпати в текущюю воду, да не сквернится святое небрежения ради или скота. А кресты, иконы ветшаныа оставити тако пребывати, но в честне месте и в устроени. А не своих детей не венчай; ни проводы пета, аще некая великая нужа случиться.
О святых великых трех святитель: Василий, Григории, Иоана Златоустаго
А что мя вопрошаете о трех святых великых трех святитель и равных апостолом, Великаго глаголю Василия и Иоана Златоустаго, Григория Богослова: о сих убо известно и разумно навыкох, таковое правило положено бысть сими Божествеными писаньми и святыми отци и законноположися празновати месяца генваря в 30 день, еже и вся вселенная сдержит, идеже есть православное христьянство, сим единокупно празник сотворяюще торжествен стихарями, и чтении, и всенощными славословьи. Понеже бо, яко больший суть святителем, яко вселенней сущая светила нелестная, небоявленныа звезды и апостолом единоравнии, яко Иоан блаженый, святитель Евхатский, движим Святым Духом, пиша о них и украшая похвалами праздньство их, и во едином от своих писании рече сице, яко аще и дерзостно есть глаголемое се: "Аще,- рече,- не быша велиции сии три святителя были, достоаше быти второму апостольскому пришествию на землю". И смотри мужа художству во едином месяци обретаеть и сих всех триех в том, и пологает сим праздник в 30-е месяца. Темже и аз, ревнуя сих преданию истинному, и вам повелеваю и молю вашю любов: не обленитеся сии праздник всяческы совершати и украшати, торжествеными похвалами же и всенощными славословьи, и помощи от них требовати, понеже суть ходатаи ко Богу. Святого же Иполита в 30-е месяца сего служба есть, поется на павечерници преже сего дни или когда разсудить еклисиарх по предатае к Богу.
По премногу же бых писал о всем к вашой любви, понеже устав много сдержите: ныне сие случися тако, вмале сие написах вам. А дана грамота на Москве месяца августа в 12 день, индикта 12, в лето 6927 (т.е. 1419)" (из сборник. Румянц. муз. № 358. Л. 380-385 [194]; Восток. Опис. 508 [246]).
29
БЛАГОСЛОВЕНИЕ И УКАЗ НОВГОРОДСКОГО ВЛАДЫКИ ИОАННА (ПОСЛЕ 1410 Г.) О ПРОСКОМИСАНИИ СВЯТЫМ МУЧЕНИКАМ ГУРИЮ, САМОНУ И АВИВУ
1. "Благословение архиепископа Новгороцкаго Иоанна к Христианом святыа Софи
Буди вам ведомо: слышю зде, што у вас о великой и о малой гибели ходять к кресту; ино то деете не по Божию закону. Зде нам дал Бог знамение святых исповедник - Гурья, и Самона, и Авива дьякона: ино Божиею милостию мнози правии прави бывают, а виноватая в казни. И мы к вам послали икону святых исповедник в церковь Божию; а што ходите к кресту, ино то в вас отнимаем; но ходите к знамению Божиих святых исповедник. Поп служит святую литургию, и пишет имя Божие на хлебци, и дасть всем приходящим ко имени Божию; а хто изъясть хлебець со именем Божиим, тот прав бывает; а хто не снесть хлебца, тот по Божию суду виноват будеть; а хто не пойдет к хлебцу, тот без Божиа суда и без мирьскаго виноват будеть. И о вам о нашой гибели и о вашой писано, што нами ся корыстують, а ся грамота дана вам впрок. А кто сее грамоты не послушает, без суда виноват будет и кажнен. А вы, попове, опроче хлеба Божиа, к роте не пущайте, а нашего слова не ослушайтесь, а аз вас, попов и всех христиан, благословляю".
2. "Указ о проскурьнисании святым тремь исповедником - Гурию, Самону и Авиву
Егда у кого что будет украдено или на кого ти будеть непоть, вы же, священницы, проскуру велите испечи крестаобрязну, и укажите, и вообразите на ней четыре кресты. А священници, входяще в церковь, глаголите молитву святым исповедником; а дроугое - вшедше в церковь пред иконою святых исповедник, а третье - и на проскумидии глаголите, выймая просфиру, молитву сию: "Молите, святии Божий исповедници, Гурие, Самоне и Авиве диаконе; яко же есть милосердием Божиим възвратили девицю в град свой Едес, тако и ныне святии трии исповедници - Гурие, Самоне, Авиво, и Авидане, и Аврааме, и Афений, чюдо свое сътворите к вам с верою приходящим, гибелником помозите, виноватых обличите, гортани шкодником затворите. Исаче, свяжи их; Иакове, и пути их загради, и на вси стороны темны сотвори, да будут пути их ползкы, и ангел Господень погоняя их". Таже: "Господи помилуй" (12), и потом, выймаа проскуру, первый крест выймай, глаголи: "Се имя Божие пишется на хлебци молитвами святых Божиих исповедник в честь и славу святому Гурью", а вторый крест выймая, глаголи: "В честь и славу святому Самону", а третий крест выймая, глаголи: "В честь и славу святому Авиву диякону", а четвертый крест выймаа, глаголи, поминая тых по имени, которым ясти, виноватым на обличение".